Kurti thotë se Jasharaj po viktimizohet, e pak sekonda më vonë viktimizohet vetë: Po negocioja me Vuçiqin kur ky shpalli grevën
Kryeministri Albin Kurti, duke aluduar në debatin e fundit të opinionit publik lidhur me sulmet ndaj Rrahman Jasharajt, tha se ka një tendencë të vetëviktimizimeve siç tha personale edhe pse pak sekonda më vonë u viktimizua vetë.
“Nuk janë kurrfarë viktimash krerët sindikalë”, tha Kurti duke shtuar tutje se në këtë debat ka individë ‘që po vetëviktimizohen’ dhe më pas u viktimizua vetë:
“Greva nga BSPK është shpallë me datën 17 gusht dhe po atë ditë është shpallë udhëheqës i këshillit Grevis Rrahman Jasharaj. Po atë ditë isha në negociata me Aleksandër Vuçiqin, në një moment kur te shtëpia u shpall greva”, tha ai./Periskopi
