Ky është pronari i kompanisë në të cilën dyshohet se u transferuan 2 milionë euro
Lajmi i ditës së sotme ishte raportimi në medie se 2 milionë euro janë avulluar nga Ministria e Infrastrukturës .
E Policia ka njoftuar se një person është arrestuar dhe dy të tjerë janë në arrati. “Ata dyshohen se duke keqpërdorur detyrën zyrtare dhe duke përdorur thesarin shtetëror të Republikës së Kosovës kanë transferuar para në vlerë mbi 2 milionë euro.
Ndërsa gjatë ditës u raportuar se këta persona kanë lidhje me parti politike. Derisa u aludua se lidhja e tyre ishte me PDK-në, kjo e fundit e demantoj këtë lajm, duke mohuar çdo lidhje të tij me partinë e tyre.
Ndërkohë më pas doli dhe lajmi se pronari i Kompanisë LAD Group nga Llapushniku, Kadri Shala ka lidhje me partinë e Fatmir Limajt.
Ai mësohet se është anëtarë i partisë Nisma Socialdemokrate në Drenas, transmeton Indeksonline.
Në këtë fotografi të siguruar ai shihet krah liderit të partisë Fatmir Limaj i shoqëruar edhe nga vajza e tij Hajrie Shala e cila është akutalisht këshilltare e zëvendëskryeministrës Albulena Balaj-Halimi.
