Ky njeri do t`i hetojë lidhjet e dyshuara Trump-Rusi
Ish-shefi i FBI-së, Robert Mueller është emëruar këshilltar special për të mbikqyrur hetimin e ndërhyrjes së pretenduar ruse në zgjedhjet amerikane dhe çdo lidhje të mundshme me fushatën Trump.
Sipas Departamentit Amerikan të Drejtësisë, caktimi i tij në këtë post është në interesin e publikut, pasi bëhet fjalë për një person jashtë skenës politike.
Emërimi i Mueller u përshëndet nga republikanët e demokratët.
72-vjeçari ka shërbyer për 12 vjet si shef i FBI-së nën Presidentët, George Bush dhe Barack Obama, raporton BBC, përcjellë Klan Kosova.
