La Liga me mas ligjore ndaj PSG-së për rinovimin me Mbappen
LaLiga po shqyrton marrjen e masave ligjore kundër Paris Saint-Germain lidhur me rinovimin e kontratës së Kylian Mbappe, kanë thënë burimet për ESPN, pasi sulmuesi vendosi të refuzojë një lëvizje te Real Madrid dhe të qëndrojë në Francë.
ESPN raportoi të shtunën se Mbappe ka informuar presidentin e Real Madridit, Florentino Perez, si dhe menaxherin e PSG-së, Mauricio Pochettino dhe shokët e skuadrës, se ai nuk do të largohej nga Parisi.
Sulmuesi, i cili pritej të bashkohej me Madridin kur marrëveshja e tij ekzistuese skadon më 30 qershor, tani ka vendosur të nënshkruajë një kontratë të re trevjeçare me PSG.
Burimet i kanë thënë ESPN se LaLiga po studion nëse do të raportojë PSG-në për atë që ata besojnë se është një shkelje e rregullave të Fair Play Financiar të UEFA-s, me një vendim të mundshëm kur marrëveshja e re e Mbappe të zyrtarizohet.
