Lajçak në Kosovë: Me Kurtin folëm për rrugën përpara në dialog
I dërguari special i Bashkimit Evropian për dialogun Kosovë-Serbi, Miroslav Lajçak, është deklaruar në lidhje me vizitën e tij treditore në Kosovë.
Lajçak përmes një postimi në Twiter, ka shkruar se gjatë takimit me kryeministrin Kurti e ka përgëzuar për arritjen e marrëveshjes për energji me Serbinë gjatë javës së kaluar.
“Shumë mirë që u ktheva në Kosovë! E nisa vizitën time duke u takuar me kryeministrin Albin Kurti për të vazhduar diskutimin tonë për rrugën përpara në dialogun për normalizimin e marrëdhënieve. Unë gjithashtu e përgëzova atë për arritjen e një marrëveshjeje për energjinë javën e kaluar”, ka shkruar Lajçak në twitter.
Very good to be back in Kosovo! I started my visit by meeting with Prime Minister @albinkurti to continue our discussion on the way forward in the Dialogue on normalisation of relations. I also commended him on reaching an agreement on energy last week. pic.twitter.com/PB8izlJMpX
— Miroslav Lajčák (@MiroslavLajcak) June 27, 2022