LDK vazhdon ta mbrojë votën për Thaçin President
Nënkryetari i LDK-së, Haki Rugova, ka vlerësuar se ata që e kritikuan LDK-në për votën për presidentin e ri kanë pasur për qëllim përçarjen e këtij subjekti politik.
Ai në një intervistë për “Epokën e re” i ka paralajmëruar kritikët se në fund do të zhgënjehen, ngaqë LDK-ja është subjekt i fortë dhe do të qëndrojë në skenën politike çdoherë. Rugova ka thënë se vota e LDK-së për Hashim Thaçin president ka qenë votë për ruajtjen e institucioneve të Kosovës.
