Leeds dominon në pjesë të parë ndaj Sheffield United
Sheffield United po pret në Bramall Lane ekipin e Leeds Unitedit në kuadër të xhiros së tretë në Premier Ligë.
Ekipi i drejtuar nga Marcelo Bielsa ishte dukshëm më i mirë duke i pasur mbi 60 për qind të topit, përkundër që janë mysafir në pjesën e parë.
Ata rrezikuan portën e Aaron Ramsdale dy herë, me anë të Patrick Bamford dhe një herë tjetër përmes Stuart Dallasit, shkruan Periskopi.
Në anën tjetër, edhe Sheffield United u tregua ekip i rrezikshëm në disa raste, pasi identifikoi pikën e dobët të Leeds në krahun e djathtë të mbrojtjes.
Sheffield United i ka humbur dy ndeshjet e para ndërsa Leeds United ka fituar një herë dhe ka humbur një herë para kësaj ndeshjeje. /Periskopi