Lewandowski flet para ‘El Clasicos’: Ndeshja më e rëndësishme për klube në botë, kam një ndjenjë të veçantë

Robert Lewandowski deklaroi se është gjë e veçantë të kesh mundësinë për të luajtur për Barcelonën në ‘El Classico’, të dielën, kundër Real Madridit.

Golashënuesi polak theksoi se është një sfidë që ka ndikim mbarëbotëror.

“Është ndeshja më e rëndësishme për klube në botë, sepse ka shumë tifozë që e shikojnë. E kam parë edhe derbin kur nuk isha në Barcelonë. Tani kam një ndjenjë të veçantë dhe kjo është e pabesueshme për mua”, theksoi sulmuesi duke folur për ESPN.

Lewandowski analizoi momentin aktual të skuadrës katalanase: “Ne kemi një ekip të mirë. Me një ose dy nënshkrime të tjera do të ishim më të fortë. Ne nuk jemi perfekt, por jemi konkurrues. Këtë sezon kemi pasur probleme në Champions League dhe kjo është ajo që duhet të rregullojmë. Nuk jemi ende të përgatitur për të garuar në nivelin më të lartë për tre tituj. Në futboll është e pamundur të ndryshosh diçka brenda një jave apo muaji. Merr kohë. Gjithmonë kam dashur të luaj në ligën spanjolle. E dija që Barcelona kishte shumë probleme, por kur pashë rrugën që ata donin të ndiqnin, thashë: “Dua të jem pjesë e saj”, përfundoi sulmuesi polak