Ligji kundër duhanit ende nuk ka zbatueshmëri të kënaqshme
Ligji për kontrollit e duhanit, ndonëse ka hyrë në fuqi qe tri vjet, implementimi i tij akoma mbetet sfidë.
Kështu ka deklaruar ministri i Shëndetësisë, Imet Rrahmani, i cili në mbledhjen e sotme të Qeverisë ka informuar kabinetin qeveritar lidhur me zbatimin e këtij ligji.
“Tre vjet më pas realiteti tregon se kemi rënie te zbatimit të tij. Ligji ka prodhuar rezultate të mira, por sfidë mbetet implementimi i këtij ligji. Ministria e Shëndetësisë konsideron që duhet më shumë involvim nga ana e institucioneve në zbatimin e këtij ligji”, ka deklaruar Rrahmani
