Luan Krasniqi propozohet për Ambasador të Kosovës në Gjermani

Periskopi.com Lajme

Gani Dreshaj, ish-deputet dhe ish-Zëvendësministër i Jashtëm, e ka propozuar ish-Kampionin e Evropës në kategorinë e rëndë në boks, Luan Krasniqi për Ambasador të Kosovës në Gjermani.

“Diplomacia kosovare në Gjermani ka mbetur pa të zotin e shtëpisë. Largimi i Beqë Cufajt ka lënë boshllëk dhe mund të ketë pasoja. Puna e tij ishte tejet profesionale dhe e pandalshme. Në këtë situatë, i propozoj presidentes Osmani, kryeministrit Kurti, dhe kryediplomates Gërvalla që Luan Krasniqi të jetë ambasador i Kosovës në Gjermani”, është shprehur Dreshaj.

“Luani është njeriu që ka përfaqësuar me dinjitet kulturën dhe zotësinë shqiptare në Gjermani, ashti siç ka bërë miliona gjermanë krenarë me bëmat e tij”.

“Luani është i përgatitur profesionalisht dhe do ta kryente me nder e përkushtim këtë detyrë kaq të rëndësishme”.

Ai ka thënë se Luan Krasniqi është përtej politikës, nuk përfaqëson asnjë parti.

“Jam i bindur që tërë diaspora përkrahë këtë propozim timin!”.

Shpërndaje në: