Luiza Gega siguron finalen e Lojërave Olimpike në 3000 metra vrapim me pengesa
Atletja shqiptare, Luiza Gega, ka arritur një rezultat fantastik, teksa është kualifikuar në finalet e 3000 metrave me pengesa në Lojërat Olimpike që janë duke u zhvilluar në Tokio.
32-vjeçarja nga Dibra, shënoi kohën 9:23.85, duke u renditur e pesta në baterinë e dytë, rezultat ky që e kualifikon direkt në finalen e madhe të 4 gushtit.
Ndërkohë që vendin e parë në baterinë ku garonte Luiza Gega, e zuri atletja amerikane, Kornei Freriçs.
Për herë të parë në histori, në disiplinën më të vështirë, një atlete shqiptare del në finale të Olimpiadës, duke sfiduar kështu vajzat më të shpejta të botës.
Luiza Gega #ALB has become the first Albanian to reach an athletics final at the Olympic Games.
Gega finished fifth in the second heat of the 3000m steeplechase, qualifying on time with 9:23.85.#athletics #Tokyo2020 pic.twitter.com/NR3ErPHcj6
— European Athletics (@EuroAthletics) August 1, 2021
