Lushtaku dërgohet në mbajtje

Periskopi.com Lajme

Ish nënkryetari i Skenderajt, Nuredin Lushtaku, bashkë me dy familjarët e tij të cilët po dyshohen për sulm ndaj dy policëve në Skenderaj, janë dërguar në mbajtje.

Lajmin për Paparacin e konfirmoi kryeprokurori i Prokurorisë Themelore në Mitrovicën e Jugut, Ismet Ujkani.

Ujkani tha se me urdhër të prokurorit të rastit, të dyshuarit janë dërguar në mbajtje. Megjithatë, ai nuk ka informacione nëse ka përfunduar ende seanca e paraburgimit ndaj tyre.

“Të dyshuarit janë dërguar në mbajtje. Seanca ka filluar pasdite, nuk e di nëse ka përfunduar ende apo jo”, deklaroi ai për Paparacin.

Prokuroria Themelore në Mitrovicë ka elaboruar kërkesën e paraburgimit ku ka thëne se ka kërkuar masën e paraburgimit për shkak se sipas saj, të njëjtit së bashku kanë kryer veprën penale.

Sipas prokurorisë pas përleshjes që familja Lushtaku kishte pasur me zyrtarët policor, Nuredin Lushtaku, ish-nënkryetari i Skenderajt, ia kishte dërguar armën e policit Enver Berisha, ish-kryetarit të komunës Bekim Jasharit e pastaj ky i fundit e kishte dorëzuar në Polici.

Prokuroria ka thënë se Nuredin Lushtaku kishte shkuar me dy vëllezërit e tij pasi i kishte thirrur djali i tij pas një dënimi që i kishin shqiptuar zyrtarët policorë.