Lushtaku për Hekuran Muratin: Po e dëshmojnë që janë anti-UÇK

Lushtaku për Hekuran Muratin: Po e dëshmojnë që janë anti-UÇK

Deputeti i Partisë Demokratike të Kosovës (PDK), Mërgim Lushtaku, ka reaguar ndaj deklaratave të bëra vite më parë nga ministri i Financave, Hekuran Murati.

Sipas Lushtakut, deklarata të tilla dëshmojnë se pushteti është kundër UÇK-së.

Në një prononcim për Ekonomia Online, deputeti i PDK-së, ka thënë se deklaratat e tilla tregojnë sjelljen e mazhorancës ndaj kësaj kategorie, me ç’rast tha mbetën edhe pa përkrahje.

“Kjo tregon më së shumti si i shohin ata veteranet e luftës dhe çfarë vullneti politik kanë për t’i zgjidhur kërkesat dhe sfidat që përballen çdo veteranë i luftës. T’i fyesh vlerat e luftës dhe veteranë e luftës e ke fyer vetveten si qenie njerëzore dhe shqiptarët ku dihet që ata sakrifikuan jetën e tyre për të sjellë këtë liri. Dhe t’i fyej ata tregon për iniciativat që kanë ata për t’i nënvlerësuar veteranet e luftës sot kur ata e kanë pushtetin”, tha ai.

“Me çdo hap çdo veprim po tregojnë që janë kundër kësaj teze anti-UÇK dhe në këtë drejtim po mundohet të mënjanojnë çdo mbështetje që kanë qenë me ligj të përcaktuara për UÇK-në, por as mbështetjen më të vogël nuk e kanë nga shteti”, tha Lushtaku.

Shpërndaje në: