Macron ashpërson gjuhën ndaj Rusisë para një udhëtimi të mundshëm drejt Kievit

Periskopi.com Lajme

Presidenti francez, Emmanuel Macron, ka ashpërsuar gjuhën e tij ndaj Rusisë të mërkurën pas vizitës së tij në një bazë të trupave franceze dhe të NATO-s në Rumani, duke tentuar t’i zvogëlojë shqetësimet në Ukrainë dhe në mesin aleatëve perëndimorë në lidhje me qëndrimin e tij paraparak drejt Moskës, shkruan The Independent, përcjell Periskopi.

Macron arriti në Rumani të martën për një takim tre-ditor në rajonin jugor të NATO-s, përfshirë Moldavinë para një udhëtimi të mundshëm drejt Kievit të enjten për një vizitë me kancelarin gjerman, Olaf Scholz dhe kryeministrin e Italisë, Mario Draghi, thanë dy burime diplomatike.

“Ne do të bëjmë çdo gjë për të ndalur forcat luftarake të Rusisë, për të ndihmuar ukrainasit dhe ushtrinë e tyre dhe për të vazhduar për të negociuar”, tha ai para trupave franceze dhe të NATO-s në një bazë ushtarake në Rumani.

Së fundmi, Macron kishte thënë se është kruciale për të “mos e poshtëruar” Rusinë në mënyrë që të gjendet një zgjidhje diplomatike kur të përfundojnë luftimet dhe ka vazhduar të ruaj kanalet e komunikimit me Kremlinin.

Franca udhëheqë një grup luftarak në Rumani të rreth 800 trupave, përfshirë 500 trupave franceze së bashku me të tjerë nga Holanda dhe Belgjika. /Periskopi/