Macron dhe Biden do të flasin në telefon për marrëveshjen e anuluar me Australinë

Macron dhe Biden do të flasin në telefon për marrëveshjen e anuluar me Australinë

Australia të dielën mbrojti vendimin e saj për të hequr urdhërin që kushton shumë miliardë dollarë, për nëndetëset franceze, për një marrëveshje alternative me Shtetet e Bashkuara dhe Britaninë, duke deklaruar se kishte paraqitur shqetësimet e saj në Paris muaj më parë.

Lëvizja e Canberra zemëroi Parisin, duke shkaktuar një krizë diplomatike të paparë, që analistët thonë se mund të bëjë dëm të qëndrueshëm për aleancat e Amerikës me Francën dhe Evropën. Ajo ka tronditur gjithashtu Kinën, fuqinë kryesore në rritje në rajonin Indo-Paqësor.

Shtetet e Bashkuara kanë kërkuar të zbusin zemërimin në Francë dhe zëdhënësi i qeverisë franceze tha të dielën se Presidenti Emmanuel Macron do të kishte një telefonatë me Presidentin amerikan Joe Biden “në ditët e ardhshme”. Parisi ka tërhequr të dërguarit në Uashington dhe Canberra.

Zëdhënësi i qeverisë franceze Gabriel Attal i tha BFM TV se Macron do të kërkojë “sqarim” të anulimit të marrëveshjes  me Grupin Naval të Francës në 2016, në thirrjen e tij me Biden.

“Unë nuk pendohem për vendimin për të vënë interesin kombëtar të Australisë në radhë të parë,” tha kryeministri Scott Morrison të dielën.

Morrison tha se e kupton zhgënjimin e Francës mbi anulimin e urdhrit, i vlerësuar rreth 40 miliardë dollarë në 2016 dhe që llogaritet të kushtojë shumë më tepër tani, por përsëriti se Australia duhet të marrë gjithmonë vendime në interesin e saj më të mirë, raporton Reuters, transmeton Klankosova.tv.

Sipas partneritetit të ri trepalësh të sigurisë, Australia do të ndërtojë të paktën tetë nëndetëse me energji bërthamore me teknologji amerikane dhe britanike. Marrëveshja e anuluar, e arritur me Grupin Naval të Francës në 2016, ishte për një flotë nëndetësesh konvencionale. Marrëveshja e re trepalëshe ka vënë në dyshim frontin e bashkuar që Biden po kërkon të krijojë kundër fuqisë në rritje të Kinës.

Shpërndaje në: