Marco Verratti dhe Ivan Perisic njëherë ishin ndëshkuar nga një ligj që as nuk e dinin se ekzistonte
Është një rregull në futboll që ende i zë lojtarët, kohë pas kohe.
Më 2017, Marco Verratti i Paris Saint-Germainit dhe Ivan Perisici i Inter Milanit u ndëshkuan me të verdhë, pasi qëllimisht kthyen topin me kokë te portierët e tyre.
Gjatë një ndeshjeje në Ligue 1 kundër Nantesit, Verratti e pati topin në këmbë jashtë zonës së PSG-së dhe u shtri në duar dhe gjunj para se të kryente pasimin jo ortodoks, transmeton Periskopi.
Gjyqtari menjëherë vrapoi te mesfushori italian dhe nxori të verdhin.
Verratti dhe bashkëlojtarët e tij, poashtu edhe trajneri Unai Emery, u dukën të frustruar nga ky vendim.
Verratti bewildered by strange booking. This is a first… pic.twitter.com/dYB0IjQdpy
— Fantasy Hub (@FantasyFootyHub) January 22, 2017
Një muaj më vonë, Perisic fitoi të verdhin për një incident shumë të ngjashëm gjatë një ndeshjeje të Serie A mes Interit dhe Romës.
Në minutën e gjashtë të ndeshjes, Perisic e pati topin në zonën e vetë dhe e ngriti atë në ajër, para se t’ia pasonte me kokë portierit.
E njëjta gjë ndodhi. Gjyqtari vrapoi drejt Perisicit dhe ia tregoi të verdhin.
Saw this clip and I don’t understand why Ivan Perisic was shown a yellow card. Please can anybody explain @FIFAcom @ivanperisic44 @azzurri pic.twitter.com/xSlzHt22r0
— Túndé Àtàndá (@Rajusz) April 13, 2021
Ata qartazi nuk e kishin idenë se rregullorja e lojës thotë se futbollistët nuk lejohen të përdorin truke për ta ekspozuar Ligjin 12.
”Asnjë truk nuk duhet përdorur për ta ekspozuar amandamentin e Ligjit 12,” thuhet në rregullore.
“Një lojtar mund ta kalojë topin te portieri i tij duke përdorur kokën, gjoksin, gjurin, etj .; megjithatë, nëse, sipas mendimit të gjyqtarit, lojtari përdor një truk të qëllimshëm – të tilla si goditja e topit në kokë i shtrirë dhe drejtimi i tij te portieri ose gjunjëzimi dhe shtyrja e qëllimshme e topit te portieri me kokë ose gju – ai duhet të paralajmërohet për sjellje jo sportive.
“Nuk ka dallim nëse portieri e prek topin me duar ose jo; shkelja është kryer nga lojtari i cili kërkon të anashkalojë rregullin e ligjit.”
