Mariqi, sulmon Rada Trajkoviqin: Po bashkëpunon me Qeverinë Kurti
Deputeti kosovar në Parlamentin e Serbisë, Ljubomir Mariq, ka reaguar pas deklaratave të Rada Trajkoviqit se Aleksandër Vuçiq kishte nënshkruar marrëveshje për reciprocitetin e targave në vitin 2016 duke shpresuar se deri më 2021 Kosova do të ndahej.
“Rada Trajkoviq e mendoi [atë që tha] nisur prej vetes sepse ka bashkëpunuar me çdo qeveri të Prishtinës. Por, duket se qeveria më e preferuar e saj është kjo e Kurtit,” deklaroi Mariq.
Situata në veri të vendit vazhdon të jetë e tensionuar edhe për ditën e pestë me radhë, ku prania e Njësisë Speciale është e shoqëruar me praninë e protestusve të komunitetit etnik serb, përcjell Periskopi.
Serbia tashmë po kërkon themelimin e Asociacionit të Komunave me Shumicë Serbe [Zajednicën].