Më në fund zbulohet arsyeja pse Koscielny refuzoi t’i bashkohet Arsenalit në ushtrimet parasezonale

Arsenali po përballet me një problem të madh – dhe emri i këtij problemi është Laurent Koscielny.

“Topçinjtë” publikuan një komunikatë të enjten duke thënë se kapiteni i tyre refuzoi të udhëtonte me skuadrën drejt SHBA-ve për turneun parasezonal, transmeton Periskopi.

“Laurent Koscielny ka refuzuar të udhëtojë drejt SHBA-ve për turneun parasezonal,” shkruhet në komunikatë.

“Jemi shumë të zhgënjyer me veprimet e Laurenit, të cilat janë kundër instruksioneve.”

Që nga koha kur ka dalë kjo komunikatë, fansat e Arsenalit kanë qenë duke hamendësuar çfarë ka mundur të ndodh me Koscilenyn.

Tashmë dihet botërisht se 33-vjeçri e pëlqen rikthimin në Francë, por ka ende edhe një vit të mbetur në kontratën e tij me gjigantin londinez.

Pra, cili është problemi? Epo, sipas “Mirror”, duket se lojtari ka mbetur i frustruar pasi mbajti bisedime rreth një transferimi potencial me Arsenalin.

Koscileny raportohet se kërkoi vazhdim të kontratës edhe për 12 muaj, me Arsenalin që nuk hezitoi dhe i ofroi madje kontratë dy-vjeçare.

Mirëpo, ka një kthesë.

Për shkak të moshës së lojtarit, oferta e Arsenalit përmbante një pagë më të ulët se sa 135,000 euro në javë sa fiton tani.

Kjo e ka frustruar francezin i cili nuk është i gatshëm të pranojë shkurtesë në pagë. /Periskopi.com/