Messi debuton me fitore, PSG merr tri pikë nga udhëtimi te Reims falë shkëlqimit të Mbappe

Paris Saint Germain ka marrë tri pikët e radhës në kuadër të Ligue 1.

Gjiganti francez, PSG ka shënuar fitore me rezultatin 0:2, kundër skuadrës së Reims, shkruan Periskopi.

Lojtari vendimtar në këtë takim ishte i shumëpërfoluri për një kalim te skuadra e Real Madrid, Kylian Mbappe.

Mbappe fillimisht shënoi në minutën e 16’ të takimit. Ai shënoi me kokë, pas një asistimi perfekt të Di Marias.

Në pjesën e dytë, francezi gjeti golin edhe një herë, kësaj here pas një harkimi milimetrik nga Hakimi.

Por, spektaklin e pjesës së dytë e vodhi Lionel Messi. Ai nuk bëri shumë, veçse u inkuadrua në lojë në minutën e 66’, duke i zënë vendin Neymar. Debutimi i tij si shënim ishte i mjaftueshëm për të bërë bujë në të gjitha mediet.

Me fitoren e sotme, PSG shkon në 12 pikë pas katër ndeshjeve, kurse Reims i Valon Berishës e Arbër Zenelit mbetet në pozitën 17, me tri pikë. /Periskopi/