Messi jashtë listës së ngushtë të Topit të Artë për herë të parë që nga viti 2005

Messi jashtë listës së ngushtë të Topit të Artë për herë të parë që nga viti 2005

Ylli i PSG-së nuk është ne mesin e yjeve të listës finale që u zbulua sot (e premte)

Lionel Messi është lënë jashtë listës së ngushtë të Topit të Artë pasi që ylli i Paris Saint-Germain nuk është në mesin e listës së ngushtë të 30 futbollistëve të revistës France Football, që u zbulua të premten.

Messit kjo nuk i ka ndodhur prej vitit 2005, kurse nga të gjitha herët që është nominuar e ka fituar këtë çmim shtatë herë.

Shoku i tij i skuadrës, Neymar, është po ashtu njeri prej futbollistëve që nuk ja ka dalë të jetë në listën finale, teksa ish rivali i argjentinasit në La Liga, Cristiano Ronaldo, është në mesin e 30 lojtarëve të nominuar.

Paraqitja e Messit sezonin e kaluar

Duke luajtur sezonin e parë jashtë Barcelonës, Messi nuk i përmbushi standardet kur është në pyetje shënimi i golave në sezonin e tij të parë debutues me PSG.

Ai ia doli, megjithatë, të bëjë shumë asiste, pasi që ai asistoi në 14 gola dhe shënoi 11-të të tjerë në sezonin e tij të parë në Francë, i cili përfundoi me fitore të titullit të Ligue 1.

Me Kombëtare, ai ndihmoi Argjentinën ta fitojë Finalissiman duke shënuar shtatë herë në 15 ndeshje.

Historia e Messit për Topin e Artë

Argjentinasi për herë të parë u nominua për Topin e Artë më 2005, sezonin e parë kur luajti rregullisht për Barcelonën.

Messi përfundoi në top tre lojtarë më të mirë çdo vit, nga 2007-2018, duke e fituar këtë çmim pesë herë gjatë kësaj kohe.

Pasi nuk arriti ta fitonte atë më 2018, ai e fitoi çmimin më 2019 dhe më 2021, me Topin e Artë që nuk u mbajt më 2020 si rezultat i pandemisë së koronavirusit.

Shpërndaje në: