Milani mund ta shesë top yllin e skuadrës për ta financuar transferimin e dyshes kroate
Milani mund t’ia shesë Gianluigi Donnarumman Paris Saint-Germainit, dhe me 50 milionët e fituara “Rossonerët” janë të vendosur të bëjnë lëvizje për dyshen kroate, Dejan Lovren dhe Andrei Kramaric.
Sipas “Sport Mediaset”, planet e Milanit për verë do të varen nga ajo se a do të luajë në Europa League fushatën e ardhshme apo jo, transmeton Periskopi.
Kjo pasi pa kompeticion evropian, skuadra nuk do të ketë nevojë për shumë fytyra të reja me vetëm ndeshjet e Serie A dhe Coppa Italia për t’u luajtur.
Shefi i ri teknik i klubit, Zvonimir Boban ka filluar të punojë me Paulo Maldinin për prurje të reja.
Lovren dhe Kramaric janë dy prej emrave që po konsiderohet nga dy legjendat e klubit.
Çdo marrëveshje potenciale për dyshen do të kushtonte rreth 50 milionë euro, me këto fonde që do të vinin pas shitjes së Donnarummas te PSG. /Periskopi.com/