Ministre Haxhiu uron Ditën e Kushtetutës, një ditë pasi kolegia e saj, Arbërie e shkeli

Ministre Haxhiu uron Ditën e Kushtetutës, një ditë pasi kolegia e saj, Arbërie e shkeli

Ministrja e Drejtësisë, Albulena Haxhiu, ka kujtuar sot Ditën e Kushtetutës së Republikës së Kosovës. Ky përkujtim i Haxhiut për 14 vjetorin e Kushtetutës vjen vetëm një ditë pasi bashkëpartiakja e saj, ministrja e Arsimit, Arbërie Nagavci, e ka shkelur atë, kur ka vendosur t’i përzihet Komunës së Kamenicës në organizimin e arsimit.

Haxhiu shkruan se Kushtetutën duhet mbrojtur, forcuar dhe respektuar, meqë nga aty mbrohet Republika.

Reagimi i plotë:

Sot shënojmë 14 Vjetorin e Kushtetutës

Me rëndësinë e tillë që ka, përherë e dëshirojmë që ajo të jetë e plotë, në frymën e saj demokratike; e pa imponuar, në frymën e vetëvendosjes së popullit; e zbatueshme, në frymën e qytetarisë së lirë e të barabartë.

Kushtetuta e Republikës së Kosovës paraqet aktin më të lartë në hierarkinë normative të rendit juridik të Republikës së Kosovës, njëkohësisht qëndron në thelbin e Republikës, e të cilës ka për detyrë t’i shërbejë.

Mbetet ta mbrojmë e ta avancojmë, ta forcojmë e ta respektojmë Kushtetutën sepse nga aty mbrohet dhe garantohet Republika.

Nga Kushtetuta burojnë të drejtat dhe liritë themelore të të gjithë qytetarëve të vendit dhe ne do të angazhohemi që ato të drejta të jetësohen të gjitha.

Urime qytetarëve të Republikës, dita e Kushtetutës!

Shpërndaje në: