Ministri gjerman nesër viziton Kosovën

Ministri gjerman nesër viziton Kosovën

Ministri i Shëndetësisë, Uran Ismaili, do të pres nesër Ministrin e Shëndetësisë të Republikës Federale të Gjermanisë, Jens Spahn.

Me këtë rast, Ministri Ismaili dhe Ministri Spahn do të nënshkruajnë një marrëveshje bashkëpunimi në mes të Kosovës dhe Gjermanisë në fushën e shëndetësisë.

Sipas burimeve, më bazë të kësaj marrëveshje Gjermania do të ndihmoj Kosovën në funksionalizimin e plotë të Fondit të Sigurimit Shëndetësor.

Po ashtu, një prej fushave në të cilat pritet të përfitoj Kosova është edhe rritja e kapaciteteve menaxhuese nëpër spitalet tona përmes asistimit të ekspertëve gjermanë.

Vizita e ministrit gjerman Spahn në Kosovë, vjen pas takimit që ministri Ismaili kishte me të në Berlin vitin e kaluar.

Njëkohësisht, kjo ishte vizita e parë e një ministri gjerman të shëndetësisë në Kosovë e cila nis edhe formalisht bashkëpunimin në mes të dy vendeve në fushën e shëndetësisë.

Shpërndaje në: