Ministrit të Kurtit, punëtorët ia pinë rakinë ‘ashiqare’ në zyrë
Ministria e Administrimit të Pushtetit Lokal që drejtohet nga Elbert Krasniqi, politikani i suksesshëm nga komuniteti egjiptian, nuk ka pasur mbulueshmëri aq të madhe mediale gjatë këtij viti.
Së fundi, duket se ka ndodhur një ‘incident’ i vogël në zyret e kësaj ministrie.
Siç njofton një qytetar, udhëheqësi i Logjistikës në Ministrinë në fjalë, Naser Korça, ka pirë pije alkoolike së bashku me kolegët e tij.
Nuk dihet nëse rakinë në fjalë e kanë pirë për t’u nxerë duke kursyer energji elektrike, apo e kanë pirë për t’u dëfryer. Për çdo rast, ne iu themi “Ju bëftë mirë!” punonjësve në fjalë, raporton Periskopi.
Por, Sipas Rregullares 04/2011 për procedurën disiplinore në shërbim civil, neni 6 në radhët e shkeljeve të rënda serizoe në paragrafin 1.9 raportohet se ndalon pirjen e alkoolit në zyre.
Sidoqoftë, besohet se kjo rregullore është përpiluar në kohën kur nuk kemi pasur probleme me energji elektrike.