Mirena: Nisma e Veselit u dha fund karrierave politike të njerëzve si Besim Beqaj
Gazetari dhe publicisti, Ilir Mirena ka thënë se nisma e sotme e kryetarit të PDK’së, Kadri Veseli, për largimin e zyrtarëve me aktakuza duhet përshëndetur – raporton Periskopi.
Në Debat Plus në Tv Dukagjini, Mirena ka thënë se kjo tregon që Veseli e ka marrë timonin e PDK’së.
“Kjo tregon që ai ka marrë timonin e PDK’së. vendimi I sotëm është që kushdo që tenton të fusë të njëjtit njerëz me aktakuza nëpër pozita në parti, do të jetë e vështirë. Është e vështirë që një njeri që është në procese gjyqësore, të bëhet pjesë e Qeverisë, pas kësaj nisme të Veselit”, ka thënë Mirena.
Sipas tij, vendimi i sotëm i Veselit u ka dhënë fund karrierave politike të individëve, si Besim Beqaj.
“Unë mendoj se Besim Beqaj e politikanë të tillë kanë përfunduar karrierën politike”, shtoi ai.
Tutje, Mirena tha se nisma të tilla është e rëndësishme të përkrahen, e jo të kërkohet cilësi morale nga individët që i ndërmarrin ato./PERISKOPI