Mos fantazoni: Çka kuptohet me fantazinë që Kurti na tha ‘mos e bëni’

Periskopi.com Fun

“Fantazia nuk është zgjidhje, unë po iu ftoj të zbrisni në tokë dhe të diskutojmë”, tha kryeministri Albin Kurti dje gjatë konferencës për media.

Cili është në të vërtetë kuptimi i fjalës ‘fantazi’, ‘fantazoj’.

Fjalorët online të gjuhës shqipe, këtë fjalë e përshkruajnë në disa kuptime:

fantaz/ój folje jokalimtare; dhe folje kalimtare; -óva, -úar i ligjërimit libror;

  1. ëndërroj.
  2. imagjinoj.
  3. me kuptim keqësues; trilloj.

Pra folja ka kuptime ëndërruese, imagjinare dhe në kuptimin e keq: trillues.

Konteksti në të cilin foli Kurti dje, besojmë se nuk ka pasur të bëj me këtë të fundit (trillimin) por “mos ëndërroni’ (ose: as mos shihni ëndërr sic thotë populli, po), ose edhe kuptimin imagjinar: mos imagjinoni, as mos e imagjinoni.

Shembuj që s’i mori kryeministri, por mund t’i merrte:

Mos imagjinoni që rryma mund të mos shtrenjtohet.

Mos fantazoni që rryma mund të mos shtrenjtohet.

Mos ëndërroni që rryma mund të mos shtrenjtohet./Periskopi