Mos u nxehni me dru: Policia për pesë minuta arrestoi tre persona për dru
Policia e Kosovës ka kryer një varg arrestimesh gjatë ditës së djeshme që kishin të bënin me prerjen ose kontrabandimin e druve.
E gjithë kjo vjen në një kohë kur vendi po përgatitet për krizën energjetike, derisa qeveria iu ka bërë thirrje qytetarëve që të mos nxeheshin me energji elektrike.
Vetëm prej orës 17:40 deri më 17:45, Policia e Kosovës i ka arrestuar plot tre persona. Njëri në Kërpimeh, ndërsa dy të tjerë në komunën e Pejës, përcjell Periskopi.
Në Kërpimeh, personi në fjalë me traktor po transportonte rreth 1.8 metra kub dru, të cilat janë konfiskuar.
Ndërkohë që në Pejë, sasia e druve të ngarkuara nuk është bërë e ditur.
Edhe në Dabishevc është lidhur një person që dyshohej për kontrabandim të druve.
Ndërokohë, dy raste janë shënuar në fshatin Keqekollë të Prishtinës. Njëri po i transportonte katër metra kub dru, ndërsa tjetri dy metra kub dru.
