Moti javor, çfarë moti na sjell java e dytë e nëntorit?

Moti javor, çfarë moti na sjell java e dytë e nëntorit?

Edhe gjatë javës së dytë të muajit nëntor nuk pritet ndonjë ndryshim substancial i kushteve sinoptike mbi rajonin tonë, përceç se do të ketë luhatje pak më të shpeshta të temperaturave të cilat pritet pësojnë ulje ditën e martë, por tu rritur përsëri nga e mërkura, por rritja e temperaturave nuk priten të jetë e madhe sikur ditët që lamë pas.

Na pret një javë tipike vjeshtrore me inkursione të rralla të masave to ftohta ajrore nga veriu, por të cilat pritet të ulin temperaturat rreth ose pak mbi vlera mesatare.

Një fronti i ftohtë ajror pritet të arrijë nesër në rajonin tonë duke kushtëzuar reshje simbolike dhe ulje të temperaturave. Pas frontit pason ulja e temperaturave dhe rritja e konsiderueshme e presionit atmosferik.

Kjo nënkutpon ndikimin e madh të anciklonit të fuqishëm në lindje të Evropes i cili na siguron mot pa reshje, atmosferike, por me alternime mes vranësirave dhe intervaleve kohore me diell dhe ulje të përkohshme të temperaturave. Ciklonet në Mesdhe mbesin aktive, por të dobësuara dhe janë larg territoreve tona për të na sjellur ndonjë reshje signifikante atmosferike.

Nga e mërkura temperaturat ditore shënojnë rritje të lehta përsëri, por mbetet mot me alternime mes vranësirave dhe intervaleve kohore me diell.

Me afrimin e fundit të javës dhe vikendit pritet të kemi më shumë mot të mirë me intervale kohore më të gjata me diell, ndërkohë që krejt në fundjavë sipas të gjitha gjasave do të kemi fuqizimin e cikloneve të Mesdheut dhe ardhjen e një fronti të ftohtë nga veriu i cili do të aktivizojë Mesdheun edhe më shumë duke fuqizuar masat ajrore ciklonike atje. Pritet të ketë shtim të vranësirave dhe mundësi edhe për reshje atmosferike, por e diela është pak larg dhe duhet të presim evoluimin e gjendes sinoptike.

Në fund të themi se në gjysmën e dytë të Nëntorit ka sinjale mjaft të forta për goditje të mundshme dimërore. Bllokadat anticiklonike në Atlantik dhe Skandinavi hapin rrugën ajrit të ftohtë Siberik që nga Rusia të arrijë direkt në Ballkan dhe më një ciklon të favorshëm në Mesdhe do të mund të kishim reshje të dendura bore, por kjo është ende larg dhe duhet të jemi të durueshëm për të mos nxjerrë konklusione të parakohshme./Meteoballkan

Shpërndaje në: