Mourinho nuk dështon në ndeshjen e 1000-të jubilare, Roma mposht Sassuolon në frymën e fundit

Periskopi.com Sporti

Roma ka arritur ta fitojë takimin me Sassuolon, ndonëse me shumë mund.

Në atë që ishte ndeshja numër 1000 në karrierën e Jose Mourinho, ‘Special One’ me skuadrën e tij mori tri pikë, me një fitore 2:1 ndaj Sassuolos, shkruan Periskopi.

Goli i parë në këtë takim u shënua nga mesfushori i skuadrës romake, Bryan Cristante, i cili në minutën 37’ shkundi rrjetën pas një asistimi të Lorenzo Pellegrinit.

Roma e mbylli pjesën e parë me një avantazh të lehtë, por këtë avantazh nuk e ruajti dot në pjesën e dytë.

Sassuolo arriti të reagonte me anë të Djuricic, atëherë kur luhej minuta e 57’ e takimit, por Roma gjeti forcë të kundërpërgjigjej prapë.

Golin e fitores e shënoi El Shaarawy në minutën e 90+1′, për t’i siguruar fitoren skuadrës së tij.

Roma kështu vazhdon startin perfekt duke marrë tashmë kreun e tabelës me nëntë pikë, kurse Sassuolo mbetet me katër pikë. /Periskopi/

Shpërndaje në: