Murati i reagon AKK-së: Pretendimet se ka bllokim të buxheteve komunale, janë shpifje dhe aspak të vërteta

Ministri i Financave, Hekuran Murati, ka reaguar pas kërkesës urgjente nga Bordi i Asociacionit të Komunave të Kosovës, që Ministria e Financave dhe Transfereve të lëshoj qarkoren e dytë Buxhetore. Sipas Bordit të AKK-së, ky proces është i vonuar, dhe rrezikon komunat që të mos kenë mundësi që ta dorëzojnë me kohë buxhetin.

Megjithatë, kështu nuk mendon ministri Murati ku përmes një shkrimi në Facebook ka thënë se qarkorja buxhetore për vitin 2023 ndahet me kohë, dhe çdoherë brenda afateve që parashihen me legjislacion.

“Pretendimet se ka bllokim të buxheteve komunale, janë shpifje dhe aspak të vërteta. Secila komunë, për vitin aktual ka buxhetin e miratuar dhe mund të ekzekutojë pagesat pa asnjë problem. Vetëm dikush që nuk merr vesh fare në procesin buxhetor, mund të pretendojë se qarkoret për vitin 2023 po bllokojnë investimet në vitin 2022”, ka shkruar Murati.

Ndër të tjera ministri njofton se për vitin 2023 buxheti që do t’u ndahet komunave është për 15% më i lartë sesa buxheti i vitit 2022.

“Për vitin 2023, buxheti që do t’u ndahet komunave është për 15% më i lartë sesa buxheti i vitit 2022. Kjo është rritja më e madhe vjetore që ka ndodhur ndonjëherë, dhe vjen falë performancës së mirë në rritjen e të hyrave në buxhetin e shtetit”, tha Murati.

Postimi i plotë:

Murati thotë se për vitin 2023, buxheti që t’u ndahet komunave është 15 për qind më i lartë sesa buxheti i vitit 2022.

“MFPT ndan buxhet rekord për komunat në vitin 2023. Për vitin 2023, buxheti që do t’u ndahet komunave është për 15% më i lartë sesa buxheti i vitit 2022.  Kjo është rritja më e madhe vjetore që ka ndodhur ndonjëherë, dhe vjen falë performancës së mirë në rritjen e të hyrave në buxhetin e shtetit”, ka thënë Murati.

Ai potencoi se do të jenë 654 milionë euro që do t’u ndahen komunave.

“Pra do të jenë 654 milionë euro që do t’u ndahen komunave, ashtu që ato të ofrojnë më shumë shërbime për qytetarët. Pretendimet se ka bllokim të buxheteve komunale, janë shpifje dhe aspak të vërteta. Secila komunë, për vitin aktual ka buxhetin e miratuar dhe mund të ekzekutojë pagesat pa asnjë problem”, shtoi ai.

“Ndërsa qarkorja buxhetore për vitin 2023 ndahet me kohë, dhe çdoherë brenda afateve që parashihen me legjislacion. Vetëm dikush që nuk merr vesh fare në procesin buxhetor, mund të pretendojë se qarkoret për vitin 2023 po bllokojnë investimet në vitin 2022”.

Ndërkohë, dje bordi i Asociacionit të Komunave të Kosovës ka kërkuar urgjentisht nga Ministri i Ministrisë së Financave dhe Tranfereve që të lëshoj Qarkoren e dytë Buxhetore.

Lëshimi i kësaj Qarkore ju mundëson Komunave të Republikës së Kosovës që të fillojnë procesin final të planifikimit buxhetor.

Komunat rrezikojnë të mbesin pa buxhet, i bëjnë kërkesë urgjente Muratit