Në kazermat e FSK-së lëshohen flamujt në gjysmështizë për nder të viktimave të 11 Shtatorit

Në kazermat e FSK-së  lëshohen flamujt në gjysmështizë për nder të viktimave të 11 Shtatorit

Ministri i Mbrojtjes, Armend Mehaj, ka bërë të ditur se këtë të shtune në të gjitha kazermat e Forcës dhe Sigurisë së Kosovës, në shenjë nderimi dhe përkujtimi të viktimave në sulmin terrorist të 11 shtatorit, të gjithë flamujt janë lëshuar në gjysmë shtizë.

“Në këtë ditë përkujtimi, bashkëndjejmë me dhembje të madhe, bashkë me të gjitha familjet që humbën më të dashurit e tyre dhe me të gjithë kombin amerikan”, ka shkruar Mehaj në llogarinë e tij në Facebook.

Kujtojmë se sot janë bërë 20 vjet prej sulmeve terroriste të 11 shtatorit 2001, ku dy aeroplanë të marrë peng kanë goditur Kullat Binjake, ku lanë të vdekur rreth 3 mijë persona.

Shpërndaje në: