Në nderim të Astrit Ademajt e Blerand Kadrijajt, PDK pezullon sot të gjitha aktivitetet politike

Partia Demokratike e Kosovës ka njoftuar se për shkak të ngjarjes së mbrëmshme tragjike në Pejë ku u vranë dy zyrtarët e saj, do të pezullojnë gjitha aktivitetet sot.

Ja njoftimi:

Ndarja e papritur dhe tragjike nga jeta e Astrit Ademajt dhe Blerand Kadrijajt na ka tronditur rëndë të gjithëve. Në shenjë nderimi dhe respekti për ta, Partia Demokratike e Kosovës ka vendosur që sot të pezullojë të gjitha aktivitetet e saj politike anembanë vendit.