Në ‘Old Trafford’ ishte i pranishëm një tifoz special
Manchester United nuk arriti më shumë se sa një barazim 2 me 2 ndaj Arsenal, në derbin e mesjavës në Premier Ligë.
‘Djajtë e Kuq’ ishin dy herë në disavantazh, por megjithatë brenda pak minutave arritën të barazonin dy herë, përcjell Periskopi.
Për ta ndjekur ndeshjen ka qenë i pranishëm edhe një tifoz i kamotshëm i United, Tyson Fury, i cili së fundmi po ashtu barazoi në përballjen ndaj Deontay Wilder.
30-vjeçari njihet si tifoz i United qysh nga fëmijëria, derisa rimeçi mes tij dhe Wilder pritet të zhvillohet pikërisht në ‘Old Trafford.
Ai ka folur për këtë dhe ka shpresuar që rimeçi të ndodhë në verë, në stadiumin e ekipit të tij të preferuar. /Periskopi