‘Nëse vendimet e Gjykatës Kushtetuese nuk përfillen, mund të asistojë Prokurori i Shtetit’
Juristi Mentor Beqiri ka thënë se nëse një vendim i Gjykatës Kushtetuese nuk respektohet, lë hapësirë që Prokurori i Shtetit të hapë rast për vepër penale.
Ky konstatim i tij vie pas zhvillimeve të fundit në raport me Komisionin Qendror Zgjedhor, ku akuzohej nga subjektet politike për moscertifikim të listave zgjedhore.
”Pikat ku Gjykata Kushtetuese ka vendosur për ish-deputetin Etem Arifi, ato pika tashmë krijojnë pasoja juridike edhe për të ardhmen, krijohet një praktikë gjyqësore që në të ardhmen personat në situatën e Etem Arifit nuk lejohet të kandidojnë për deputetë. Bazuar në aktgjykimin e Gjykatës Supreme të vitit 2017, në bazë të logjikës, as Etem Arifit nuk do duhej t’i merrej mandati. Ai aktgjykim ka thënë: personi që dënohet por nuk ka dënim plotësues ndaj tij, heqja e të drejtës për t’u zgjedhur, ai person mund të kandidojë për deputet”, ka thënë Beqiri për Klan Kosova.
Ai tutje ka thënë se Aktgjykimi i Gjykatës Kushtetuese, e ka qartësuar edhe në mënyrë supreme.
”Aktgjykimi i Gjykatës Kushtetuese, e ka qartësuar edhe më shumë në mënyrë supreme. Janë dy lloje kriteresh ligjore tek deputetët që opinioni i gjerë me sa duket nuk po mund t’i kuptojë qartë. Kriteret para se të zgjedhjet dikush deputet dhe kriteret për marrjen e një mandati të një deputeti aktual. Kriteret për t’u zgjedhur si deputet, thotë se çdo person që është i dënuar në vitet e fundit për vepër penale, e ka të ndaluar kandidimin për deputet. Nga ana tjetër, deputeti për t’ju marrë mandati duhet të plotësohet kushti që ai duhet të jetë i dënuar me aktgjykim të formës së prerë, me burgim efektiv një vit ose më shumë”, ka thënë Beqiri
”Etem Arifi i është marrë e drejta e mandatit të deputetit, sepse dënimi i tij ka qenë 15 muaj – e ka tejkaluar. Nesër një vendim nga PZAP besoj do jetë vendim konform Gjykatës Kushtetuese dhe atë do ta shohim nëse do të implementohet 100%”, tha Beqiri tutje.
Ai ka shtuar se nëse Aktgjykimet e Gjykatës Kushtetuese nuk respektohen nga institucionet e Kosovës, atëherë Gjykata Kushtetuese mund të raportojë edhe tek Prokurori i Shtetit.
Aktgjykimet e Gjykatës Kushtetuese duhet të ndiqen dhe respektohen nga çdo institucion i Republikës së Kosovës. Nëse nuk respektohen dhe duhet respektuar atëherë Gjykata Kushtetuese mund të raportojë edhe tek Prokurori i Shtetit. Por nuk besoj se do vijmë në atë pikë. Për implementimin e aktgjykimit të Gjykatës Kushtetuese mund të asistojë Prokurori i Shtetit gjithnjë pas raportimit të Gjykatës Kushtetuese se aktgjykimi i saj nuk është duke u përmbushur. Në Ligjin për Gjykatën Kushtetuese ceket një gjë e tillë, ku duhet të hetohet dhe të hapet rast nga Prokurori i Shtetit” tha
