Përzgjedhja e fotove përmes të cilave përshkruhen veç e veç ngjarjet që e kanë karakterizuar botën në çdo muaj të vitit të kaluar fillon me një fotografi të presidentit amerikan Barack Obama me lot në gjatë një fjalimi për kufizimin e përdorimit të armëve nga civilët, dhe përfudon me fotografinë e atentatorit turk, i cili para dy ditësh në Ankara vrau ambasadorin rus në Turqi, transmeton gazetametro.net.

New York Times, ka përzgjedhur dy temat më të ndjeshme që e kanë karakterizuar Kosovën për gjatë gjithë vitit që po e lëmë pas. Bëhet fjalë për krizën politike të Kuvendit, dhe ekstremizmin islamik në vend.

Në foton e parë, shihet Kuvendi i Kosovës, gjatë një seance ku deputetët e opozitës kanë hedhur gaz lotsjellës.

Ndërsa fotoja tjetër, është një xhami në Podujevë, ku një imam i moderuar është përpjekur të frenoj ndikimin e vehabizmit, ideologji fundamentaliste e ardhur nga Arabia Saudite.