Nga pikëllimi për humbjen e gruas, vdes burri i njërës prej mësueseve të vrara në Teksas
Burri i njërës nga mësueset e cila ka mbetur e vdekur si pasojë e të shtënave masive në Uvalde të Teksasit, Joe Garcia ka vdekur nga një sulm në zemër, dy ditë pas sulmit.
Garcia është burri i mësueses së vrarë, Irma Garcias, nga një person i armatosur 18-vjeçar në shkollën fillore “Robb” në Uvalde të martën pasdite, raporton The Independent të enjten.
Një anëtar i familjes konfirmoi vdekjen e tij në një postim në Twitter, duke thënë se ai “u nda nga jeta për shkak të pikëllimit”.
Çifti kishte qenë së bashku që nga shkolla e mesme dhe kanë katër fëmijë, sipas Dallas News.
Irma Garcia ka punuar në shkollën fillore Robb për 23 vjet kur u vra, derisa u konsiderua një mësuese e shkëlqyer.
Në vitin 2019, ajo u emërua finaliste për Çmimin Trinity për Ekselencën në Mësimdhënie, i cili u jepet mësuesve të jashtëzakonshëm në zonën e San Antonios, nga Universiteti Trinity.
Si pasojë e gjuajtjes me armë nga një 18-vjeçar të martën në shkollën fillore “Robb” kanë mbetur të vdekur 19 nxënës dhe dy mësuese të një klase të katërt.
