‘Një koloni fëmijësh të rrëmbyer në Mars?’ Ja e vërteta mbi lajmin shokues
Një koloni fëmijësh të rrëmbyer në Tokë ndodhen në Mars”. Është ky lajmi i shpërndarë, nga Alex Jones Show, në radion e lidhur me sajtin e komploteve Infowars, sajt i cili mbështeti fushatën elektorale të Donald Trump.
Por ky lajm u hodh poshtë nga Guy Webster, zëdhënës i projektit të NASA për të eksploruar Marsin, duke thënë se “Nuk ka qenie njerëzore në Mars”.
Ai sqaroi se temperaturat e akullta të Marsit dhe një atmosferë e përbërë nga anhidride karboni, e bëjnë të pamundur jetën në Mars.
Jones, është i njohur në Shtetet e Bashkuara të Amerikës, për përhapjen e teorive të konspiracionit gjatë show-t të tij, i cili transmetohet në 118 stacione radiofonike nëpërmjet sajtit Infowar dhe Youtube.
