Nuk u hoq “asnjë presje” nga marrëveshja e Thaçit dhe Mustafës, Kurti: Marrëveshja për energjinë, rezultat i punës sonë
Kryeministri i Kosovës, Albin Kurti, e ka quajtur lajm të mirë arritjen e arrëveshjes për faturimin e energjisë në veri të arritur sot mes Kosovës dhe Serbisë.
Ai ka thënë se ky është rezultat i punës së Qeverisë që ai e udhëheqë.
Kurti ka thënë se së shpejti do të fillojë edhe faturimi i rrymës për komunat në veri.
I pyetur se a është marrëveshje që e kanë kritikuar si Lëvizje Vetëvendosje, Kurti ka thënë se një situatë e tillë është trashëguar nga të tjerët.
“Por është mirë që do fillojë inkasimi i energjisë në veri sepse i është shkaktuar dëm i madh Kosovës”, ka thënë ai, shkruan Koha.net.
Kosova dhe Serbia kanë miratuar udhërrëfyesin për zbatimin e marrëveshjes për energjinë elektrike në veri.
Marrëveshja për energjinë ishte arritur qysh më 2013, por nuk ishte zbatuar deri më tash. Bëhet fjalë për energjinë që shpenzojnë serbët në veri e nuk e paguajnë.
