Pacolli: Shtëpia ime funksionon me energjinë e Zotit
Deputeti i Parlamentit të Kosovës nga rradhët e AKR-së, ka reaguar ndaj deklaratave të deputetit të VV-së, Dimal Basha i cili i tha në Kuvend se ndoshta “Pacolli nuk e ka problem të paguajë më shtrenjtë pasi shtëpia e tij është e madhe”.
Pacolli theksoi se në pamundësi për të arritur në radhë për t’u përgjigjur deputetit Basha, e siguroi përmes ‘Facebook-it’’, se shtëpia që ai posedon funksionon me energjinë e Zotit.
Ky është postimi i tij i plotë:
Deputeti i partisë në pushtet, sot në debatin parlamentar, para qytetarëve të Kosovës dhe kolegëve, në kontest me tarifat e energjisë elektrike, tha se “Pacolli e ka shtëpinë e madhe dhe duhet ta paguajë rrymën e shtrenjtë”
Në pamundësi për të arritur në radhë për t’u përgjigjur, po e siguroj kolegun tim deputet se;
“Jam mësuar gjithmonë të paguaj, por në këtë rast, nese nuk keni pretendime tjera , më duhet t’ju zhgënjej…
“shtëpia ime, sido që të jetë, ajo funksionon me energjinë e Zotit, d.m.th. me energji eficente-alternative.
