Pallaska: Në rastin e Veselit pati shkelje të madhe, Specialja i dha epërsi verzionit kushtetues në gjuhën serbe
Avokati Dastid Pallaska, ka përmendur një shkelje të rëndë kryer nga Dhomat e Specializuara, në rastin e ish-kryeparlamentarit Kadri Veseli.
Ai, u shpreh se kjo ndodhi meqë paneli kushtetues i Dhomave të Specializuara, i ka dhënë epërsi kushtetuese verzionit të kushtetutës në gjuhën serbe, përkundër faktit që ofron më pak të drejta.
”Në rastin e Veselit, ka ndodhur një shkelje më e madhe. Paneli kushtetues i Dhomave të Specializuara, i ka dhënë epërsi kushtetuese, verzionit të kushtetutës në gjuhën serbe, përkundër faktit që ky version ofron më pak të drejta”,tha Pallaska në Rubikon
Pallaska tutje ka sqaruar si si rrodhi ky proces:
”Janë shikuar të trija gjuhë zyrtare”.
”Kadri Veseli në kërkesën e tij kushtetuese, i ka ngritur disa pretendime për shkeljen e nenit 33 të Kushtetutës së Kosovës, i cili përcakton: se askush s’mund të akuzohet apo dënohet për një vepër penale, që s’ka qenë vepër penale në kohën e kryerjes”.
”Në verzionin në gjuhën angleze, që është version burimor, parasheh që kjo dispozitë të aplikohet, në fazën e akuzimit, apo edhe në të dënimit. Pra, njëjtë e kemi edhe në gjuhën shqipe”.
”E ndërsa në verzioni serbisht, sipas gjitha gjasave për arsye të ndonjë gabimi thotë që: ‘’askush nuk mund të dënohet’’, e përjashton fazën e akuzimit. Edhe me qëllim që ta shpallë të papranueshme kërkesën si të parakohshme, se po ngrihet në fazën e akuzimit, e jo në fazën kur është dënu, paneli kushtetues i DHS-së, i jep epërsi kushtetuese, verzionit serbisht, duke shkelur ndër parimet bazë të interpretimit të normave kushtetuese”.
