Pamje: “Tekbir – Allahu Ekber”, zyrtari taliban kërkon butësi e dashuri ndaj afganëve
Në një video të publikuar në internet, një zyrtar i talibanëve shihet duke mbajtur fjalim para një grupi të armatosur me rroba e armë moderne. Zyrtari i uroi të armatosurit për atë që e cilësoi si “fitim të pavarësisë”.
Zëdhënësi i talibanëve, Zabidullah Mujahid, shihet duke folur në aeroportin e Kabulit para një grupi të armatosur. “Ne jemi krenarë me sakrificat tuaja për shkak të vërshtirësive që ju dhe udhëheqësit tanë i kanë pasur. Është për shkak të sinqeritetit dhe durimit që ne jemi të pavarur sot”, dëgjohet duke thënë ai.
Mujahid u bëri thirrje luftëtarëve që të jenë të butë me afganët. “Do të doja t’ju kërkoj që të jeni të kujdesshëm se si silleni me popullin tuaj. Ky popull ka vuajtur shumë. Populli afgan meriton të trajtohet me dashuri e dhembshuri. Prandaj, jini të butë me ta. Ne jemi shërbëtorët e tyre. Nuk u jemi imponuar atyre”, tha zëdhënësi i talibanëve.
