Para gjuajtjes me armë, dorasi me viktimat ishin rrahur mes vete

Periskopi.com Lajme

Një mosmarrëveshje për çështje pronësore dyshohet të ketë qenë arsyeja e konfliktit mes disa personave në lagjen e spitalit  ku mbeti i vrarë një person dhe u plagosën rëndë tre persona të tjerë.

Insajderi ka siguruar fotografi nga përleshja paraprake nga ku shihen tre persona duke u përleshur fizikisht mes veti.

Në duar atyre u shihet edhe shufër metalike, gjatë përleshjes fizike, e cila eskaloi në të shtëna me kallashnikov, ku u vra një person.

Dëshmitarët kanë thënë për Insajderin, se në konflikt kanë qënë të përfshirë pronari i një  ndërtese dhe pronarit të tokës.

Zëdhënësja e Policisë së Kosovës për rajonin e Prishtinës, Flora Ahmeti, e cila ka thënë se të plagosurit janë dërguar për tretman mjekësor.

“Sot rreth orës 16:00, kemi pranuar informatën për të shtëna me armë në rrugën Muharrem Fejza në Prishtinë. Menjëherë në vendin e ngjarjes kanë dalë njësitet policore të cilat kanë hasë në katër persona të plagosur, te njëjtit janë dërguar për tretman mjekësor. Për çdo detaj rreth rastit do te njoftoheni me kohe”, tha Ahmeti.

Shpërndaje në: