Parukierja shqiptare që ia mori mendjen Zaniolos, tregon se çka ndodhi në jaht me lojtarin e Romës

Periskopi.com Showbiz

Disa ditë më parë revista “Who” publikoi disa foto të Nicolo Zaniolos në krahë të parukieres shqiptare, Kejdis Bardhi.

Të dy shfaqen gjatë një udhëtimi me një jaht në ujërat e Ponzës.

Asnjë puthje që mund të konfirmojë lidhjen intime mes të dyve, por gjesten përkëdhelëse nuk mungojnë.

Përveç se me Kejdis, lojtari i Romës nuk po del me asnjë vajzë tjetër.

Kështu, në pritje për të mësuar se cila do të jetë e ardhmja e tij futbollistike, Nicolo Zaniolo është duke shijuar pushimet para se të rikthehet në stërvitje për sezonin e ri.

Megjithatë “Panorama Plus” kontaktoi me Kejdisin, teksa kjo e fundit dha versionin e saj.

“Më kanë kontaktuar shumë persona qëkur dolën fotot. Në fakt unë isha në jaht me miqtë e mi. Aty ka qenë edhe Zaniolo, por vajza në foto nuk jam unë. Ajo është një mikeshë e imja”.

Është kjo deklarata e Kejdis, që vë në pikëpyetje jo vetëm mediat italiane.

Megjithatë parukierja shqiptare nuk i mohon zërat se në fakt ajo është në një lidhje me futbollistin e mirënjohur italian, ndonëse në shkrepjen e famshme është mikesha e saj.