Pas humbjes së debatit nga Arben Vitia, Haki Abazi bëri një konspiracion të pabesueshëm

Periskopi.com Lajme

Deputeti dhe kryetari i komisionit për integrime evropiane, Haki Abazi, ka bërë një konspiracion pas përfundimit të debatit mes Përparim Ramës dhe Arben Vitisë, dy kandidatëve për kryetar të Prishtinës.

Në debatin e vetëm serioz mes kandidatëve që kanë mbetur në balotazh për të fituar Prishtinën, Përparim Rama doli të ishte shumë më bindës dhe e zuri ngushtë disa herë kandidatin Arben Vitia.

Kjo duket se nuk i ka pëlqyer aspak ish zv.kryeministrit të Kosovës, Haki Abazit, i cili përsëri ka bërë konspiracione.

“A ka ardhur Grenell për ta ndihmuar Përparim Ramën dhe LDK-në në zgjedhje!?” – ka shkruar z. Abazi, përcjell Periskopi.

Kujtojmë që pikërisht konspiracionet mbi Grenellin i kishte shfrytëzuar Haki Abazi për ta dëmtuar LDK-në në të kaluarën.

Por, LDK kishte bërë reforma të brendshme që kishin rezultuar në ndërrimin e kryetarit dhe madje gjithë kryesisë.

Për më tepër, z. Përparim Rama nuk ka kurrfarë historie politike me kastën e Lidhjes Demokratike të Kosovës.