Pasi mungoi për të dytën herë rresht, Haki Abazi reagon me motive uruese
Deputeti i Kuvendit të Kosovës, Haki Abazi, ka bërë një postim në profilin e tij në Facebook pasi mungoi edhe për seancën e dytë të Kuvendit të Kosovës.
Abazi shprehu ditë më parë pakënaqësitë e tij, megjithëse nuk informoi popullin për natyrën e tyre.
Ai ka munguar edhe sot, ndoshta sepse ende pakënaqësitë e tij nuk janë adresuar nga lidershipi [Albin Kurti].
Abazi ka bërë një shkrim sot, por me motive uruese.
Deputeti ynë ka uruar “Ditën e Falenderimeve” [Thanksgiving] e cila nuk festohet dhe aq shumë në Kosovë.
“Në këtë ditë festohet e falëmnderohemi për begatinë, të vjelurat, korrjet që marrim gjatë vitit dhe të mirat që bëjnë të tjerët dhe në bëjmë për të tjerët.” – është shprehur z. Abazi.
Reagimi i tij i plotë:
Urime Dita e Falënderimeve!
Në këtë ditë festohet e falëmnderohemi për begatinë, të vjelurat, korrjet që marrim gjatë vitit dhe të mirat që bëjnë të tjerët dhe në bëjmë për të tjerët.
Rrugëtofshim drejt mirësisë e sinqeritetit me solidaritet, punë të mbara dhe veprave që mbesin mbrapa nesh, mbushin sofrat e të gjithëve pa dallim e mbi të gjitha mbushin zemra me falënderim për njëri tjetrin!