PD harron tollovinë që e shkaktuan sot në protestë, akuzon Policinë për dhunë

PD harron tollovinë që e shkaktuan sot në protestë, akuzon Policinë për dhunë

Partia Demokratike ka reaguar pas protestës së ditës së sotme, ku ka dënuar ushtrimin e dhunës, sipas saj, nga ana e policisë, duke paralajmëruar se 16 shkurti është fillimi i betejës për të çliruar vendin nga kryeministri Edi Rama.

PD po harron që sot kaosin dhe dhunën e shkaktoi së pari vetë opozita, duke tentuar të thyejnë dyert e Kryeministrisë. Si pasojë  u lënduan 19 persona.

“Partia Demokratike dënon me forcë ushtrimin e dhunës policore ndaj kundërshtarëve politikë. Rrahja dhe keqtrajtimi i protestuesve prej policisë politike nuk ka për ta shpëtuar dot kryehajdutin Edi Rama dhe pushtetin e tij të blerë me paratë e krimit të organizuar. Secili prej anëtarëve të Policisë Politike që, në shkelje të ligjit, po shoqëron, dhunon dhe po ushtron presion ndaj protestuesve, do të mbajë përgjegjësi personale. Ne nuk do ta harrojmë këtë! PD falenderon çdo qytetar pjesëmarrës në protestë, që sakrifikoi sot diçka nga vetja për t’i shërbyer misionit madhor të çlirimit të qeverisjes nga një grusht hajdutësh, oligarkësh dhe kriminelësh, që ka marrë peng vendin. 16 Shkurti është fillimi i betejës për çlirimin e vendit nga Kryeministri hajdut. Fundi i tij është i pakthyeshëm! Shqiptarët treguan sot se, të bashkuar, mund ta mposhtin të keqen! E enjtja është shumë afër”, thuhet në deklaratën e PD-së.

Opozita e Shqipërisë ditën e shtunë mbajt protesta të dhunshme para Kryeministrisë./Periskopi/

Shpërndaje në: