Për këtë arsye u liruan dy vëllezërit kosovarë, të dyshuar për terrorizëm në Gjermani
Vëllezërit 28 dhe 31 vjeçarë me origjinë nga Kosova janë liruar nga paraburgimi në Esen, pasi që hetuesia nuk ka mundur të dëshmojë se ata vërtetë kanë përgatitur ndonjë sulm terrorist. Policia kumtoi se ata janë liruar për shkak se “përkundër hetimeve intensive, dyshimet për përkatësinë e dy vëllezërve nuk janë konfirmuar”. Hetuesia ka konstatuar se sipas të dhënave të deritanishme, ata nuk paraqesin ndonjë rrezik për sulme të mundshme raporton Gazeta Blic.
Kosovarët janë arrestuar para dy ditësh, në pjesën Marxloh të Duisburgut, pas paralajmërimeve të organeve të sigurisë se ata kanë mundur të kryejnë sulme në qendrën tregtare Centro në Oberhauzen.
Hetuesia ka konstatuar në bazë të njohurive të deritanishme se vëllezërit me origjinë nga Kosova nuk kanë lidhje as me të dyshuarin për sulmin në Berlin Anis Amri, i cili është vrarë në Milano të Italisë. Në të njejtën kohë është bërë e ditur që të dy vëllezërit kanë patur kontakte me skenën salafiste në NRË.
Ministri i Brendshëm në landin Renania Verirore-Vestfalia, Ralf Jäger (SPD) megjithatë e ka lavdëruar punën e policisë, e cila në “Duisburg dhe Oberhauzen ka vepruar shpejt dhe me vendosmëri”. Policia ende nuk ka kumtuar identitetin e të dyshuarve dhe ndërkohë të liruarve nga Kosova.
