Përleshje me thika në Prishtinë, ka të lënduar
Në orët e mbrëmjes të së mërkurës ka ndodhur një përleshje në lagjen “Arbëria” në kryeqytet, ku për pasojë kanë mbetur të lënduar dy persona pasi janë përdorur edhe armë të ftohta.
Dëshmitarët e ngjarjes i thanë KosovaPress-it se në këtë përleshje janë përfshirë dy familje ndërsa ka mbetur i plagosur nga thika një 17-vjeçar, emër i njohur për redaksinë, si dhe një tjetër.
KP ka tentuar të kontaktojë me Policinë e Kosovës për të mësuar më shumë rreth kësaj ngjarjeje, por deri në publikimin e këtij shkrimi, nuk janë përgjigjur.
