Përmbyset rezultati në Podujevë: LDK del e para – VV e dyta
Sot në Qendrën e Numërimit dhe Rezultateve janë numëruar votat që kanë ardhur nga diaspora për zgjedhjet lokale të 17 tetorit.
Në Podujevë është përmbysur rezultati. Pas numërimit të mbi 95 për qind të votave, Ekrem Hyseni i LDK-së ka dalë i pari.
Sipas rezultateve të KQZ-së, Hyseni ka marrë 44.27 për qind të votave, derisa Shpejtim Bulliqi i Vetëvendosjes 44.06 për qind.
Kjo komunë pritet të shkojë në balotazh, ndonëse ende s’janë numëruar të gjitha votat.
