Përmes akuzës për “lajme të rreme” po dëmtoni edhe gazetarinë e mirë
Po ecja ndanë një kishe javën e kaluar.
Tingëllon si nisja e një hajgareje.
Për fat të keq jo.
Në shenjën përpara shkruhej: “S’ka lajme të rreme këtu, veç lajme të mira.”
U ndjeva e tërbuar.
Pse një vend i adhurimit duhej ta adaptonte një sllogan helmues politik?
A është pjesë kaq e pranuar në fjalët e përditshme sa nuk marrin parasysh dëmin që po bën?
Natyrisht është në përgjegjësinë e gazetarëve dhe dhomave të lajmeve që të fitojnë besimin e publikut që i shërbejnë.
Shumica prej nesh provojmë ta bëjmë një gjë të tillë për çdo ditë.
Por fraza ‘lajm i rremë’ e ka helmuar jetën publike dhe diskursin.
Ajo nuk shenjon më gazetarinë false apo të dobët, por gazetarinë apo faktet që dikujt nuk i pëlqejnë.
Është bërë shkurtore për frazën: “Nuk dua ta besoj atë gjë kështu që e mohoj sepse ashtu më përshtatet”.
Vetë ideja ka çuar në rritjen e numrit të kërcënimeve ndaj gazetarëve.
Por më e rëndësishmja, kjo po e bën punën tonë më të zorshme sepse po e minon besimin e njerëzve te ne.
Ka një maksimë të cilën çdo rishtar në një dhomë lajmesh e mëson: që definicioni i lajmeve është diçka që dikush, diku dëshiron ta shtypë, dhe që krejt pjesa tjetër është reklamë.
Të gjesh fakte që dikush tjetër i dëshiron të fshehura është tepër e zorshme.
Vyen përvojë, gjykim, lëkurë të trashë, persistencë, aftësi për të ndërrmarë rreziqe, dhe shpesh, kurajë.
Ja disa shembuj në vitet e fundit të rrëfimeve që nuk do të dilnin në dritë pa gazetarinë.
Skandali i ngacmimit të fëmijëve në Rotherham.
Uji helmues në Flint, Michigan.
Harvey Weinstein.
Cambridge Analytica dhe përdorimi i të dhënave personale për të ndikuar në zgjedhje.
Interferenca e Rusisë në zgjedhjet amerikane presidenciale të 2016-s dhe të lidhjeve me fsushatën e Trumpit.
Ka shumë e shumë të tjera.
Natyrisht, ne bëjmë gabime.
Por a jemi ne siç na përshkroi Donald Trumpi “armiq të popullit”?
Në më të mirën e tij, gazetaria mbron qytetarët e rëndomtë.
I mban të fuqishmit para përgjegjësisë, dhe iu jep zë atyre që s’i dëgjon askush.
Varësisht prej rrethanave, ai mund të jeni ju, familja juaj, apo komuniteti të cilit i takoni.
Ju lutem mos sulmoni përmes akuzës për ‘lajme të rreme’.
Po i jepni goditje njerëzve që mund të jenë vija e fundit në mbrojtjen tuaj një ditë.
Dhe kjo është saktësisht se çka duan njerëzit dhe organizatat e fuqishme: Të mos keni askënd që t’iu mbrojë.
Iu konvenon atyre që të mos na besoni më.
Mos i lejoni t’iu manipulojnë.